Die volgende boeke is beskikbaar vanaf Cum Boekwinkels:

Mei 2012:

• Van nuut tot nice – Antonet Bekker
  Ons streef na volmaakte heiligheid hier op aarde, maar om jouself teen volmaaktheid te meet, is om altyd tekort te skiet. In Van nuut tot nice deel Antonet Bekker haar reis van die volmaakte vrou wat sy gedink het sy moet wees na ’n NICE vrou – Net In Christus Effektief. Want hoe nader jy aan God leef, hoe nicer word jy deur Hom gemaak.
• ’n Vrou met ’n hart soos Jesus – Elizabeth George
  ’n Vrou met ’n hart soos Jesus is ’n praktiese en insiggewende 30 dae-gids wat jou sal help om Jesus se karakter te bestudeer en in sy voet­spore te volg. Dit sal jou in staat stel om eienskappe te ontwikkel om soos ’n vrou te leef wat aan Jesus be­hoort en Hom meer en meer te weerspieël in alles wat jy doen.
• Die standvastige vrou – Priscilla Shirer
  Priscilla Shirer daag met Die standvastige vrou alle vroue uit om God se roeping vir hulle lewe doelbewus uit te leef. Die 13 voornemens stel vroue in staat om waarlik ’n godvrugtige nalatenskap te hê deur die bagasie van die verlede neer te sit, hul oortuigings opnuut te definieer en daarna te streef om vir die res van hul lewe toegewy aan God, hulle huwelik en hulle kinders te leef.

April 2012:

• Wat is my doel op aarde? – Rick Warren
  Wat is my doel op aarde? is ’n wonderlike bekendstelling tot ’n doelgerigte lewe. Kort uit­trek­sels wat die essensie van die boek The Purpose Driven® Life weergee, sal jou help om te ontdek waar jy in God se groot plan vir die heelal inpas.
• Liglopers – Andries Hendrik Potgieter & Sya van der Walt saam met Maretha Maartens
  Hy het van kleins af gewéét dat hy anders is, hierdie agter-agterkleinseun en naamgenoot van die Voor­trek­ker­leier Andries Hendrik Potgieter. Met Liglopers vertel gewilde outeur Maretha Maartens op deernisvolle wyse die aangrypende verhaal van Andries Hendrik Potgieter en hoe hy ná ’n lewe van dwelms en ’n wegdraai van God sy geesgenoot, Sya van der Walt, gevind het. Vandag leef hy sy passie uit om hoop en en­toe­si­asme in die harte van jongmense in Suid-Afrika te laat opvlam. Liglopers het ook ʼn “QR code” sodat lesers ’n lied deur Andries Hendrik gratis kan aflaai in MP3-formaat.
• Die Christen-ateïs – Graig Groeschel
  Ná tien suksesvolle jare in die bediening moes Craig Groeschel die pynlike selferkenning maak: Hoewel hy in God geglo het, het hy sy kerk gelei asof God nie bestaan nie. Die Christen-ateïs sal Christene en Christen-ateïste uitdaag om hierdie een vraag vir hulle af te vra en eerlik te beantwoord: Glo ek in God, maar lewe ek nog steeds of alles van mý afhang? Ont­dek ’n kragtige, intieme verhouding met God – jy sal nooit weer dieselfde wees nie.

Maart 2012:

• Vra God te veel? – Braam Hanekom
  Braam Hanekom bied in Vra God te veel? ’n verruimende gelowige perspektief oor 40 uiteenlopende aktuele kwessies, van die politiek tot klimaatsverandering. Dit rus elke leser toe om nuut te kyk na die wêreld om ons en werklik ’n verskil te maak waar ons leef. Elke gedeelte sluit af met ’n gedagte vir die dag en ’n Bybelteks.
• Wie is God? – Adrio König
  Wie is God? bied ’n tydige Christelike perspektief op vrae oor God en wat gelowiges oor Hom glo. Adrio König raak talle kwessies aan wat vir die gelowige vandag van groot waarde sal wees en vestig ons voete met hierdie besondere bydrae weer op die vaste grond van die kernsake van die Christelike geloof. König ondersoek vrae soos: “Waar is God?”, “Wat is sy Naam?” en “Kan God verander?”
• Vreugde-vrou – Stephan Joubert & Johan Smith
  Stephan Joubert en Johan Smith daag jou met Vreugde-vrou uit om jou vrouwees te vier en uit jou gemak­sone te beweeg. Dié boek rus jou toe om God se hande en voete in ’n stukkende wêreld te wees en só God se plan vir jou lewe te vervul. Temas in die boek sluit in: “Om ’n lewe te red”, “Dankbaarheid en tevredenheid”, “Mooi op die regte manier” en “So lyk God se krag in aksie”.

Januarie 2012:

• Die Storie
  Ontdek die verhaal van die Bybel soos wat jy dit nog nooit vantevore gelees het nie. Die Storie is die volledige verhaal in die Bybel, van Genesis tot Openbaring, saamgevat in 31 hoofstukke. Uittreksels uit die Skrif is in ’n chronologiese verhaal saam­geweef. Die enigste toevoegings is oorgange om elke hoofstuk vloeiend te laat lees, ’n tydlyn, en ’n klompie kaarte.
• Vier jou bevryding – Andrie du Toit
  In Vier jou bevryding bied Andrie du Toit ’n studie van 31 dae oor die brief aan die Galasiërs. Deur die ontleding van die volledige Galasiërsbrief kry die leser ’n dieper insig van wat Paulus se woorde vir die moderne leser inhou. Deur middel van ’n nuwe meer letterlike vertaling van die brief, word die teks lewendig vir die moderne leser. Elke dag word afgesluit met ’n toepassing vir vandag, ’n gebed, en vrae oor die inhoud wat vir persoonlike verryking of groepstudie gebruik kan word.
• Grenslose genade – Solly Ozrovech
  Met Grenslose genade fokus Solly Ozrovech in 366 dae op die driemaal heilige God. Temas wat aangeroer word is: “God het eerste liefgehad”, “Die Kind van versoening” en “Die Heilige Gees tree vir jou in”. Hierdie samestelling in grootdruk-formaat sal jou verseker van die genade van die Here Jesus Christus, die liefde van God en die gemeenskap van die Heilige Gees wat altyd by jou sal bly.

December 2011:

• Geloofskatte in Hebreërs – Adrio König
  Adrio König fokus in Geloofskatte in Hebreërs op die breër perspektiewe van die Hebreërbrief. König dring deur tot kernsake van Hebreërs soos: Waarom is Hebreërs geskryf en watter groot geloofsake en -probleme word bespreek? Die 7 studies help gelowiges om die hooftemas van die brief in die oog te hou en in verband te bring met die lyne in die res van die Skrif.
• Wanneer God stilbly – Johan Smit
  In Wanneer God stilbly ondersoek Johan Smit in 25 hoofstukke belangrike temas in die Bybelboek Job, en wys hoe die lewende God vandag nog in mense se lewens teenwoordig is te midde van moeilike omstandighede. Dié Bybelstudie sluit af met ’n bylaag bestaande uit drie hoofstukke oor sake soos die doel van lyding, die Christen en lyding en hoe ’n mens iemand kan help wat deur ’n moeilike tyd gaan.
• God het my gekies – Ben de Klerk
  In die Bybelstudie God het my gekies stap Ben de Klerk in 29 goed gestruktureerde studies deur Paulus se brief aan die Efesiërs. Elke studie sluit af met praktiese vrae en gebedsriglyne, wat lesers opnuut sal laat dink oor sake soos wat kerk presies is, hoe ons kerkeenheid kan bewaar en versterk, en ons unieke identiteit as Christene.

November 2011:

• My lewe in God se wil – Stephan Joubert
  In My lewe in God se wil fokus Stephan Joubert in 365 dagstukke op verskillende fasette van God se wil. Hy fokus onder meer op: God se wil deur gebed, ’n Bybel-roetegids na God se wil en waar pas God se wil in as ons ly? Hierdie dagboek sal vir jou wys in en deur Christus gebeur God se wil glashelder. Leef in Hom, dan is jy in sy wil!
• ’n Seisoen van hoop – Solly Ozrovech
  In ’n Seisoen van hoop wys Solly Ozrovech in 366 dagstukke vir lesers dat daar baie positiewe en goeie dinge uit die verlede aan ons gegee is, maar dat ons nie daar moet vassteek nie. Ons moet elke dag gryp as ’n genadegawe uit God se hand, en toekomsgerig leef.
• Verby met onsekerheid – Beth Moore
  Die vrou van vandag word gekonfronteer met onre­alistiese verwagtings en word dan gebombardeer met onrealistiese beelde wat haar net meer en meer on­seker maak. Vroue is oor bykans alles onseker, van hoe hulle lyk, hul waarde as vrou, tot verhoudings en die toekoms. En onsekerheid kniehalter jou ... dit laat jou waardeloos voel. Verby met onsekerheid is ’n nommerpas-boek vir élke vrou. Groet die onsekerheid en word die vrou wat jy nog altyd wou wees!

Oktober 2011:

• Nuutgemaak – Elza Meyer
  Die 366 oordenkings in Nuutgemaak! sal le­sers help om sekerheid in hul God te vind en nuwe intimiteit met Hom te beleef. Die temas wat Elza Meyer behandel, sluit in: “Nuutgemaak in die nuwe jaar”, “Liefde is vir altyd”, “In biddende afhanklikheid”, “Aan die voet van die Kruis”, “Vervul met God se Gees”, “Lewe nou saam met die Heilige Gees”, “Gehoorsame gelowiges” en “Visioene, gesigte en openbarings”.
• 365 beloftes vir ’n lewe van hoop – Samestelling
  365 beloftes vir ’n lewe van hoop sal lesers herinner aan al die wonderlike dinge wat God elke dag van die jaar vir jou beplan, wat jy ook al doen en waar jy ook al is. Hierdie handige boekie, wat selfs maklik in jou broeksak sal pas, sal jou help om God se liefde en genade te ervaar soos wat jy jou daaglikse taak aanpak.
• Met God op die lewenspad – Max Lucado
  Hierdie handige ekstra klein mini-uitgawe is ’n samestelling van geselekteerde Skrifgedeeltes en die skryfwerk van Max Lucado. Wat ook al jou omstandighede Met God op die lewenspad sal jou help en aanmoedig om die struikelblokke in jou lewe aan te pak in jou reis saam met God.

September 2011:

• ’n Lied van vreugde – Nina Smit
  Ten spyte van ons daaglikse struikelblokke bly die lewe steeds ’n vreugde! Nina Smit fokus in ’n Lied van vreugde in 52 dele op die verskillende fasette van vreugde. Sy moedig jou aan om vir jou ’n droom te kry, sy lei jou na blywende blydskap en sy wys vir jou die pluspunte van gehoorsaamheid. Hierdie boek sal jou help om waarlik elke dag met ’n lied van vreugde in jou hart te lééf.
• Sê ja vir geluk – Jannie le Roux
  Jannie le Roux maak dit in Sê ja vir geluk! duidelik dat geluk ’n keuse is wat ons elke dag moet maak. Die 366 oordenkings spreek daarvan dat ware geluk daarin lê om God te dien, in die hede te leef en vreugde te vind in eenvoudige dinge. Sê ja vir geluk! sal elke leser inspireer om weer nader aan God te begin leef – en in die proses ware geluk te vind.
• Waar genade dans – Ewald van Rensburg
  Waar genade dans deur Ewald van Rensburg ontsluit die geloofskat van die briewe van Paulus vir jongmense. In 366 dae fokus hy op kerngedeeltes van Romeine tot Filemon uit Die Boodskap, en dan volg ’n oordenking wat dit wat Paulus wou oordra, vaslê.

Augustus 2011:

• Leef uit jou doop – Adrio König
  Die doop is ’n onderwerp wat dikwels gemengde reaksie ontlok. Hierdie boekie het ’n totaal ander benadering tot die doop as die vorige eeu se getwis daaroor. Leef uit jou doop deur Adrio König wys vir jou dat die doop direk in verband staan met: God se gesag oor ons lewe, ons vereniging met Christus, ons deelname aan die heil, ons opname in die gemeenskap van God se kinders, die vergifnis van ons sonde en die Gees in ons lewe.
• Siel van ’n vrou – Milanie Vosloo
  Siel van ’n vrou is ’n pragtige volkleur-boekie waarin gewilde outeur Milanie Vosloo vroue verseker van God se koesterende liefde. Die 20 stukkies word afgerond met ’n gebed en kerngedagte, en sal elke vrou laat met die gedagte dat sy kosbaar is vir God. Die stukkies is geneem uit Milanie se rubriek “Siel van ’n vrou” in Lééf – met hart & siel.
• Agter die doellyn – Samestelling
  Rugby is ’n weerspieëling van die wese en hartklop van die mense van Suid-Afrika. Agter die doellyn bied ’n oorsig oor die hoogtepunte in die Suid-Afrikaanse rugbygeskiedenis en getuienisse en lewensverhale van spelers soos Victor Matfield, Pierre Spies, Beast Mtawarira, Morné Steyn, Juan Smith en ander prominente spelers. Agter die doellyn is ’n kosbare versamelaars­item vir enige rugby­liefhebber.

Julie 2011:

• Die klassieke Kinderbybel-storieboek – Johan & Nina Smit
  Die klassieke Kinderbybel-storieboek bied die mooiste verhale uit die Bybel soos vertel deur Johan en Nina Smit in ’n taal wat kinders maklik kan verstaan. Die 100 stories uit die Ou Testament en 100 stories uit die Nuwe Testament sal kinders opnuut laat besef dat God ewig en almagtig is en dat Hy hulle baie liefhet.
• Briewe aan God – Patrick Doughtie & John Perry
  Vir Tyler is God ’n vriend, leermeester en sy grootste penmaat. Hy hanteer sy siekte deur sy ge­­bede in die vorm van briewe aan God te skryf en dit daagliks te pos. Wanneer die posman Brady McDaniels Tyler se eerste hemelgerigte brief kry, weet hy nie wat om daarmee te maak nie. Wanneer Tyler al dodelik siek is, begin Brady die briewe lees en ontdek die krag van die seun se gesprekke met God. Briewe aan God is geïnspireer deur die fliek Letters to God wat gebaseer is op ’n ware verhaal.
• Die genade van God – Andy Stanley
  Sluit aan by bekende outeur Andy Stanley in Die genade van God terwyl hy deur die Ou en Nuwe Testament gaan om te kyk na God se genade in die lewens van sommige van die beste en slegste karakters. Die sto­ries ontrafel die misterie van genade en vertel van die transformerende krag wat elkeen van ons vrymaak. Hierdie boek sluit ook ’n spesiale hoofstuk in, wat lesers sal help om hul eie genade-verhaal te ontdek.

Junie 2011:

• Die geïllustreerde Bybelstorie – Michael Pearl
  Kan jy jou voorstel hoe die Bybelkarakters van lank gelede gelyk het? Watter tipe klere het hulle gedra en waar het hulle gebly? In Die geïllustreerde Bybelstorie, die verhaal van die Nuwe Testament in strokiesprent-formaat, kry die karakters en gebeure léwe. Die verhaal word as ’n volkleur-strokiesprent aangebied met ongelooflike illustrasies. Daar is ook Skrifverwysings op elke bladsy as jy verder in die Bybel daaroor wil gaan lees. Ontdek die Bybel soos nog nooit vantevore nie!
• Het God begin? – Rassie van Niekerk
  Rassie van Niekerk wys met Het God begin? dat geloof en wetenskap nie teenoor mekaar hoef te staan nie, maar mekaar inderwaarheid kan aanvul. Dié boek is ’n poging om die positiewe raakpunte aan te toon tussen godsdiens en weten­skap. Dit sal lesers help om opnuut die wonderlike Skepper-God te verheerlik. Die voorwoord is geskryf deur dr. Louw Alberts.
• ’n Lewe sonder beperkings – Nick Vujicic
  Nick Vujicic, wat sonder arms óf bene gebore is, vertel in sy boek ’n Lewe sonder beperkings hoe hy sy fisiese ge­stremd­­heid moes oorkom en van die emosionele eise wat dit as kind, tiener en jong volwassene aan hom gestel het. Nick se praktiese raad om ’n ryk, vervullende lewe te hê, sluit in: vertrou ander mense, ont­wikkel ondersteunende verhoudings, kry jou krag uit die pad waarop jy loop. Dié boek is vol inspi­ra­sie en eindelose hoop.

Mei 2011:

• Dit is hoe ek wil wees – John Ortberg
• Die krag van ’n biddende lewe – Stormie Omartian
• Wat vroue wens hulle mans kon weet – James Dobson

April 2011:

• Dink nuut oor jou lewe – Stan Toler
  Jou denke bepaal hoe jy optree en daarom kan jy ingrypende verandering in jou lewe bring deur anders te begin dink. Dink nuut oor jou lewe is ’n lewensveranderende boek deur Stan Toler met praktiese stappe wat jy kan neem om sin in die lewe te vind, besluitneming te kan bestuur, en ook jou lewenskwaliteit te verhoog deur nuut te begin dink oor jou lewe. Daardeur sal jy ook jou lewenskwaliteit verhoog en beheer oor jou denke kry. Dié boek het verskeie bylaes met teksverse, mediahulpbronne en ’n aanspreeklik­heids­ooreenkoms met vrae.
• Volkome vergifnis – R.T. Kendall
  In Volkome vergifnis kyk R.T. Kendall na: “Wat is volkome vergifnis?”; “Hoe om te weet ons het volkome ver­gewe”; “Die Ons Vader-gebed en vergifnis”; “Om God te speel”; “Wanneer dit vir ons reg is om te oor­deel”; “Die kuns van vergewe en vergeet”; en “Hoe om te vergewe – volkome”.
• God vergeet jou nooit! – Fika Janse van Rensburg
  Die 91 oordenkings in hierdie boek is geskryf deur mense wat self al op die lewenspad gevorder het. Deur hulle eie ervaring rus hulle ouer gelowi­ges uit en met die Bybel toe om hulle oog op die wenpaal te hou en só tot by die wenpaal verby, ’n positiewe ver­skil te maak. Dis oordenkings wat uit­sig en hoop gee vir ’n beteke­nis­volle lewe in die herfs­jare.

Maart 2011:

• So lank as wat ons leef – Gary Smalley & Ted Cunningham
  Gary Smalley en Ted Cunningham fokus in So lank as wat ons leef op ’n verskeidenheid goeie en gesonde sowel as onrealistiese verwagtings wat mense oor die huwelik het. Dié boek bestudeer die invloed wat ouerskapstyle, persoonlikheidstipes, vorige verhoudings, buitensporige liefde, dienaarskap en toewyding op die verwagtings van paartjies en uiteindelik ook hul huwelik het.
• Wees ’n uitsonderlike vrou – Susie Larson
  Wees ’n uitsonderlike vrou is vir die Christen-vrou wat graag bo die stereotiepe gedrag van skinder, onsekerheid, kleingeestigheid en klein drome wil uitstyg. Sy het ’n onvervulde begeerte om teen die stroom in te gaan omdat sy daarna smag om ’n lewe van oortuiging te leef. Jy kan met hierdie aangrypende boek teen die stroom swem om ’n uitsonderlike vrou te word wat waarlik ’n verskil in ander se lewens maak. Elke hoofstuk bevat Bybelse waarhede, persoonlike verhale en ’n “Wat van jou?”-gedeelte vir oordenking.
• Wanneer God mense nuut maak – Bennie Mostert
  Wanneer God mense nuut maak fokus op verhale van kragtige herlewings deur die eeue wat jou geloof sal versterk en jou sal lei op ’n nuwe pad saam met God. Enkele herlewings waarop daar gefokus word, is: die herlewing in die boek Handelinge (30-60), die Protes­tantse Hervorming (1517-1600), die 1860-herlewing in Suid-Afrika en die Azusa-straat-herlewing Los Angeles, VSA (1906).

Februarie 2011:

• Leer jou kind hoe om te bid – Rick Osborne Om kinders te leer hoe hulle moet leef, hoe hulle God kan leer ken en hoe hulle Hom kan volg, is die verantwoordelikste werk in die heelal. En om hulle te leer bid, is een van die belangrikste fasette van hierdie grootmaakproses. In Leer jou kind hoe om te bid gee Rick Osborne in drie afdelings vir ouers uitstekende riglyne en wenke. Hy fokus onder meer op verskillende soorte gebede en liggaamsposisie wanneer jy bid. Dié praktiese boek bevat vrae, aktiwiteite, idees vir gebed en gebede wat kinders kan bid.
• In die tweede helfte ... – Stephen Arterburn & John Shore Jy is middeljarig! Skielik voel jy onbenullig en onbekwaam. Jy begin aan jouself twyfel. Jy wens jy het méér gedoen, méér ge¬leef, méér be¬reik. Met In die tweede helfte ... verduidelik Stephen Arter¬burn en John Shore, self in hul vroeë vyftigs, hul God-geïnspireerde insig oor mans in hul middeljare. Hulle laat mans op humoristiese wyse besef dat alles wat tot dusver met hulle gebeur het hulle gevorm het tot wat hulle vandag is en dat die beste deel eintlik nou eers begin.
• Waar is Jesus nou? – Coenie Burger Met Jesus se hemelvaart het Hy ons nie verlaat om nou maar hier te wag totdat Hy met die wederkoms sy kinders kom haal nie. Nee, Coenie Burger bevestig met Waar is Jesus nou? dat die hemelvaart die pad voorsien waardeur gelowiges kragtig toegerus kon word met die Heilige Gees om as medewerkers van Jesus op aarde sy koninkryk uit te bou. Ons is geroep om die evangelie aktief uit te leef, en altyd met die seker wete dat Jesus baie naby aan ons is.

Januarie 2011:

• Lééf die liefde – Gary Chapman - Lééf die liefde deur topverkoper-outeur Gary Chapman wys vir jou dat liefde baie meer is as bloot ’n gevoel. Dit is iets wat jy dóén. Dit is iets wat jy daagliks moet demonstreer in jou huwelik, jou gesin, by vriende en kennisse, en ja, selfs by vyande. Deur 40 ware lewensverhale van gewone mense wat liefde-in-aksie lééf, help Chapman jou om te besef wat die sleutel tot standvastige verhoudings is. Elke hoofstuk bevat ook ’n “Liefdesles” wat jou sal help om die beginsels toe te pas.
• ’n Nuwe man teen Vrydag – Dr. Kevin Leman - Wonder jy wat geword het van die Prince Charming met wie jy getrou het? Hy ignoreer jou, help jou met niks en sit permanent vasgenael voor die TV. Inter­nasionaal bekende sielkundige en topverkoper-outeur dr. Kevin Leman het raad! Hy kan jou met ’n Nuwe man teen Vrydag help om die sensitiewe, romantiese en behulpsame man te kry waarvan jy nog altyd gedroom het – binne vyf dae.
• ’n Man en sy werk – Partrick Morley - Patrick Morley stel in ’n Man en sy werk 12 maniere voor om God by die werk te eer. Die bespreking sluit onderwerpe in soos: roeping, doel, integriteit, prestasies, mense, getuienis, geld, prioriteite, gebed, beplan­ning, leierskap en mislukkings. Daar is ook aan die einde van elke hoofstuk vrae vir persoonlike oordenking of groep­bespre­king.

Desember 2010:

• Wanneer die lewe nuut begin – Johan Smit - Johan Smit ondersoek in Wanneer die lewe nuut begin die kruispad-oomblikke van Bybelse figure soos Abraham, Paulus, Josef, Daniël, Maria en die Samaritaanse vrou. Dié Bybelstudie fokus in 12 dele op mense wie se lewens lyk of dit só stukkend is dat alles daarmee heen is. En dan gryp God in en verander die stukkend-wees in ’n groeigeleentheid waarin Hy sy plan laat uitwerk. Die studies in hierdie boek is geskik vir individuele en groepstudie en sluit af met wenke hoe om ’n suksesvolle Bybelstudiegroep te vorm.
• Die impak van God se wil – Stephan Joubert - Hierdie Bybelstudie, verdeel in 18 dele, wil lesers wys wat dit werklik beteken om Christus te volg. Die ver­skillende afdelings fokus onder andere op hoe ’n volgeling van Christus lyk, hoe die Bybel gelowiges kan help, hoe om effektiewe geloof te openbaar, hoe om God groot te maak en die belangrikheid van die mense om ons. Die impak van God se wil sluit ook af met vyf verhale oor eietydse impak in God se koninkryk.
• Lewensbeginsels van vroue uit die Bybel – Wayne Barber, Eddie Rasnake, Richard Shepherd - Die 12 lesse (met studies vir vyf dae van die week) in Lewensbeginsels van vroue uit die Bybel fokus op: Hagar, Lot se vrou, Rebekka, Lea, Ragel, Abigajil, Batseba, Isebel, Elisabet, die vrou by die put, die vroue in die Evangelies en die onderdanige vrou. Dié Bybelstudie wys hoe moeilik dit soms is om getrou en onderdanig te wees aan God se plan. Voorbeelde word gegee van dié wat geseën is vir hulle getroue wandel met God sowel as voor­beelde van hulle wat God nie gevolg het nie. Die Bybelstudie sluit af met ’n afdeling om vandag se vroue verder te help om God te volg.

November 2010:

• In die storms van jou lewe – Elizabeth George Die verskillende afdelings in In die storms van jou lewe sal jou help om ’n vrou vol vreugde te word; ’n vrou met standvastigheid; ’n vrou met volwassenheid; ’n vrou met krag en ’n vrou met volharding. Die skrywer beklemtoon dat jy nie sommer ’n besluit kan neem om jou beproewings te sien as iets om oor bly te wees nie – dit is keuse wat baie uithouvermoë en moed verg. Maar elke vrou moet leer om haar probleme elke dag te hanteer in die soeke na ware vreugde en vrede.
• Groei in die geloof – Wayne Cordeiro Ontdek hoe om ’n dinamiese en intieme verhouding met God te geniet terwyl jy leer hoe om daagliks te luister hoe Hy deur sy Woord met jou praat. Groei in die geloof deur Wayne Cordeiro stel jou voor aan God se spesiaal uitgesoekte mentors, mans en vroue, wat jou kan help om onder andere jou gesondheid, jou huwelik, jou bediening en jou toekoms te red. Jy sal ook leer hoe om Bybelse oordenking te sien as ’n manier om die Heilige Gees toe te laat om jou daagliks te leer.
• Oorwinning is ’n keuse – Paul Meier & Jim Hiskey Oorwinning is ’n keuse is ’n versameling inspirerende stories van kampioene – bekende mense én gewone mense. Elke hoofstuk sluit af met drie dinge wat die betrokke persoon gedoen het om ’n kampioen te word. Dit gee vir lesers praktiese raad oor moeilike besluite. Die boek gee vir lesers ’n blik op die hart van ’n ware wenner en sal hulle help om ook wenners te word, een keuse op ’n slag.

Oktober 2010:

• Die Stiltetydbybel vir elke dag – Solly Ozrovech Die Stiltetydbybel vir elke dag bied die volledige teks van die Nuwe Lewende Vertaling met voetnote, verdeel in 366 dae. Elke dag se gedeelte bied ’n ankerteks, ’n sleutelgedagte en ’n kort oordenking deur topverkoper-outeur Solly Ozrovech. Hierdie Stiltetydbybel sal gelowiges help om die wonder van die Skrif sistematies te ontdek terwyl hulle die selfdissipline en aanleer om ’n lewe volgens God se wil te leef.
• Keuses wat jou lewe bepaal – Andy Stanley Deur die beginsels in Keuses wat jou lewe bepaal toe te pas, kan jy bemagtig word om die pad te vind wat tot jou ideale lei. Teleurstelling en spyt kenmerk soveel mense se lewe, maar jý kan die uitsondering wees. Gewilde outeur Andy Stanley sal jou help om te besef jou keuses, nie jou intensies nie, bepaal jou eind¬bestemming.
• Alle paaie lei na Jesus – Adrio König Is die Bybel regtig so ’n deurmekaar boek? Alle paaie lei na Jesus deur bekende skrywer Adrio König wil aan lesers wys hoe die groot temas van die Bybel op Jesus uitloop. Volgens König is een van die merk¬waardigste kenmerke van Jesus se lewe dat omtrent die hele Ou Testament op een of ander manier in Hom vervul word. Dié boek sal opnuut vir jou die hoekstene van die Christelike geloof bevestig.

September 2010:

• Laat sy liefde jou lei – Milanie Vosloo In Laat Sy liefde jou lei nooi topverkoper-outeur Milanie Vosloo jou in 365 oordenkings om saam met haar op die pad van die liefde te stap. Dié dagboek sal jou help om die waarhede van die Skrif-oordenkings te lees en te oordink, dit op jou eie lewe toe te pas en die vreugde wat jy gaan put uit jou nuutgevonde liefde vir God, jouself en die mense om jou te geniet.
• Die Stiltetydbybel vir jongmense – Johan van Schalkwyk Jy kan met Die Stiltetydbybel vir jongmense die Nuwe Testament in een jaar deurlees. Dié Bybel bevat die hele Nuwe Testament van die Nuwe Lewende Vertaling verdeel in 365 dae met inspirerende oorden-kings wat die lig van God se Woord laat val op jou elkedagse lewe: toekomsbeplanning, vriendskappe, liefdesverhoudings, jonkwees ...
• Die krag wat alles oortref – Annes Nel Die krag wat alles oortref deur Annes Nel sal jou in 366 dagstukke opnuut laat besef dat Christenwees baie meer inhou as om net te bely: “Ek glo in Jesus.” Om in Hom te glo behels om soos Jesus op te tree deur sy boodskap te verkondig met ’n brood in die hand, medisyne in die tas en ’n sakdoek om ander se trane af te droog.

Augustus 2010:

• Pitkos met ’n punch – Ewald van Rensburg In Pitkos met ’n punch gee Ewald van Rensburg vir in 365 dagstukke jou daaglikse “kos” met interessante opskrifte soos: Vandag se special (Skrifgedeelte), die hoofmaaltyd (oulike storie), Red Hot Chilli Peppers (iets om jongmense uit te daag) en ’n take-away (ietsie ekstra wat lesers kan gaan oordink). Dit gee vir jou raad oor daaglikse kwassies soos eerlikheid, menseverhoudings en hoe om jou geloof uit te leef. Dié dagboek is ’n opwindende avontuur in ’n taal wat jy sal kan verstaan!
• Totdat jy vry is … – Maretha Maartens In Totdat jy vry is ... laat gewilde outeur Maretha Maartens die Woord van God op ’n unieke manier ons diepste gesindhede blootlê. Totdat jy vry is ... sal jou opnuut die geheim laat ontdek dat ware vryheid net gevind kan word in die Persoon wat jou volkome verlos van alles wat jou aan die aardse bind: Jesus Christus.
• Omdat jy glo – Solly Ozrovech In Omdat jy glo fokus Solly Ozrovech in 366 oordenkings op die waardevolle leiding wat jy uit Jesus se lewe kan kry. Dié dagboek wys daarop dat Jesus jou leidsman op verskeie terreine van jou lewe is. Hy is leidsman in sy verhouding tot mense; deur sy leerstellings; deur sy lewe, dood en opstanding en ook jou leidsman tot hoop en liefde.

Julie 2010:

• Ontdek jouself voor God – Braam & Mariette Hanekom Ontdek jouself voor God wil jou opnuut verseker dat jy ’n unieke mens is wat in ’n persoonlike verhouding met die ewige God staan. Wanneer jy word wat God jou gemaak het om te wees, groei ’n diep vreugde en vrede in jou. Dan kan jy met nuwe hoop gevul word, en die kerk kan weer waarlik die liggaam van Christus word.
• 101 met Jesus – Johan & Helena Smith Het jy ook al gewonder of kinders regtig iets vir die Here kan doen? 101 met Jesus bevat 101 oordenkings wat spesiaal vir kinders geskryf is deur bekende jeugskrywer Johan Smith en sy vrou, Helena. Die oordenkings fokus op verskillende Bybelkarakters by wie jy baie kan leer. Dié dagboek is ’n heerlike avontuur vir elke kind.
• Dit is amper dag – Jaap Durand Dit is amper dag poog om antwoorde te vind op sommige van die vrae in jou gemoed. Die skrywer pak die vrae aan op ’n manier wat ’n rigtingwyser daarstel wat jou sal help om jou eie, uniek vrae te beantwoord.

Junie 2010:

• Die Bybel in 366 dae vir mans – Stephan Joubert Die Bybel in 366 dae vir mans sal jou as gelowige man daagliks versterk en toerus met kerngedeeltes uit die hele Bybel en oordenkings wat spesiaal gemik is op mans soos jy!
• Die pelgrim se reis – John Bunyan Die pelgrim se reis is die klassieke allegoriese verhaal van Christen en Christina se reis na die Hemelstad. Dié verhaal illustreer hoe Christene soms verskillende paaie volg, maar dieselfde eindbestemming bereik: die Ewigheid saam met Jesus. Hierdie klassieke verhaal is ’n móét-lees vir jou!
• Die ikoon – Johan Smit ’n Groep Suid-Afrikaners word verweef met die lewens van ’n Russiese familie en húlle soeke na God. Die ikoon is ’n roman van mense uit verskillende wêrelddele wat elkeen op soek is na hulle eie ontmoeting met God.

Mei 2010:

• Vrou-wees … – Stephan Joubert en Johan Smith - Vrou-wees ... sal jou help om die beste vrou te wees wat jy geskep is om te wees – tot eer van jou Skepper. Dié boek gee nuwe padwysers en koersaanduiders in elke hoofstuk om jou voorwaarts te neem op die lewenspad van Christus.
• Ten spyte van tsunami’s – Jannie le Roux - Ten spyte van tsunami’s is propvol praktiese raad vir oorlewing vir wanneer verwoestende golwe van krisisse en teleurstelling oor ’n mens spoel. Jannie le Roux deel die sewe “reddingsboeie” soos byvoorbeeld ’n geesvervulde karakter en ’n betekenisvolle lewensroeping wat jou opnuut sal laat fokus op die kuns van gelukkig wees te midde van die storm.
• Desperate huwelike – Gary Chapman - Die pelgrim se reis is die klassieke allegoriese verhaal van Christen en Christina se reis na die Hemelstad. Dié verhaal illustreer hoe Christene soms verskillende paaie volg, maar dieselfde eindbestemming bereik: die Ewigheid saam met Jesus. Hierdie klassieke verhaal is ’n móét-lees vir jou!

April 2010

• Hiervoor is jy gebore – Bruce Wilkenson - Wat sal gebeur as miljoene mense soggens opstaan en verwag dat God deur hulle ’n wonderwerk sal laat gebeur? In Hiervoor is jy gebore verduidelik topverkoper-outeur Bruce Wilkinson in sy hoogs motiverende styl sewe stappe hoe enigiemand ’n “afleweraar” van die hemel kan wees. Jy kan daagliks wonderwerke aflewer in belangrike areas van die lewe soos finansies, praktiese hulp, verhoudings en geestelike groei.
• ’n Ma se hoop (Marta se nalatenskap 1) – Francine Rivers - Onvervulde drome, ongenaakbaarheid en ontevredenheid. Dít is wat Marta in ’n Ma se hoop ervaar. Sy vestig haar hoop op Hildemara om haar drome waar te maak, terwyl Hildemara smag na haar ma se liefde, respek en aanvaarding. Dié boek vertel die hartroerende verhaal van ’n ma se opofferings en die ware aard van onvoorwaardelike liefde.
• God in die sirkel – Willem Badenhorst en ander - God in die sirkel sal jou aanmoedig om jou gesin geestelik te sien groei en jou met nuwe passie vul om die land en wêreld te sien terugdraai na God, die Gewer van nuwe lewe. Dit sal jou ook aanspoor om die geheim agter herlewing te ontdek: die krag van gebed.

Februarie 2010

• Wie sê julle is Ek? – Jan van der Watt en ander Ontdek in Wie sê julle is Ek? wat daar deur die eeue heen oor Jesus gesê is en word toegerus om ’n persoonlike belydenis oor Jesus Christus te formuleer en te besef wie Hy regtig is.
• Wat kan ek glo? – Adrio König In Wat kan ek glo? verduidelik Adrio König wat ons glo, maar ook wat ons nie glo nie. Daarby moet elke Christen ook ’n diepgrondige kennis én verstaan van die Bybel hê. Want daarsonder kan jy nie groei in jou geloof nie, kan jy nie vasstaan teen die aanslae van die Bose nie.
• Om God te ken – J.I. Packer Om God te ken is om sy Woord lief te hê. Maak dit vandag jou lewensdoel om God waarlik te leer ken met Om God te ken. Verander en verdiep jou geloof in God.

Januarie 2010

• Jesus se raaisel-stories: Jesus het gelykenisse gebruik om onbekende dinge vir mense verstaanbaar te maak. In 20 studies help Johan Smit die lesers om Jesus se gelykenisse te ontsluit en te sien dat dit steeds waarde in vandag se tyd het.
• ’n Man na God se beeld: Sterk, passievolle mans met integriteit is in vandag se tyd baie nodig. ’n Man na God se beeld sal jou help om van ’n gewone man te verander tot ’n ware man van God. Ontdek die Bybelse patroon vir groei en word toegerus vir radikale verandering.
• Jy kan word wat jy is: Baie Christene ervaar ’n gevoel van mislukking omdat hulle nie heeltemal is wat hulle behoort te wees nie.In Jy kan word wat jy is help Arnold Mol jou om vry te kom van sulke gedagtes en ’n lewe van ontspanne heiligheid na te volg. Nie alleen beklemtoon die boek die verstommende posisie van die gelowige se plek in Christus nie, maar wys ook daarop dat geestelike groei God se verantwoordelikheid is – nie ons s'n nie.

Desember 2009:

• Lewende water ... lewende geloof: Hierdie boek is ’n versameling van broer Yun (skrywer van Gesant van God) se kragtige leringe wat spruit uit sy ervarings van vervolging en herlewing in China. Hierdie boek bevat van die inspirerendste en uitdagendste boodskappe wat broer Yun die afgelope tien jaar gelewer het. Die boek is in drie dele verdeel, “Vryheid in Christus” (met boodskappe oor die geestelike lewe van ’n gelowige), “Strome lewende water” (met die doel om gelowiges toe te rus vir diens in God se koninkryk) en “Soldate vir Christus” (wat die hindernisse in gelowiges se lewens verduidelik).
  
• Die hemelburgers: Hierdie roman vertel die hartroerende verhaal van iemand wat sy rug op God gedraai het en in die tronk beland het, maar uiteindelik tog nie aan die genade en liefde van Christus kon ontsnap nie. Dit is ’n verhaal vol deernis deur gewilde skrywer Helene de Kock wat fokus op God se goedheid en trou.
  
• Jesus – ’n radikale sprong: In hierdie boek verduidelik Stephan Joubert dat Jesus se navolgers dringend radikaal ánders moet begin dink oor Jesus, God en die kerk – en dan anders moet begin lééf. Mense moet besef dat hulle boksies te klein is om die almagtige God en sy werke te omvat. Eers wanneer mense besef dat hulle self elke dag die kerk is, kan hulle werklik begin uitreik na die wêreld en leef soos Jesus bedoel het hulle moet. Dan kan Christene waarlik kerk wéés in die wêreld.
  

November 2009:

• Doelgerig: Een van die heel beste maniere om te leer is uit die lewens van ander mense. In die dagboek Doelgerig fokus Johan Smith vir 365 dae op die lewenslesse wat jongmense by Bybelse karakters kan leer. So sal hulle ontdek hoe God elkeen van hierdie mense gebruik het en ook vir hulle kan gebruik.
• Wie My volg ... : Johannes wys deur sy Evangelie, sy Briewe en Openbaring wie Jesus werklik is. Jan du Rand is ’n kenner op die geskrifte van Johannes en fokus vir 366 dae in diepte op kern­verse. Wie My volg ... sal vir lesers dieper insig gee in die werk van Johannes en daarmee saam ook ’n duideliker beeld van Jesus.
• Jesus aan die woord: In Jesus aan die woord ondersoek Johan Smit elke onderdeel van Jesus se Bergpreek om Christene te help om die opdragte hierin prakties uit te leef. Dit is allermins ’n aanmaning dat ’n Christen se lewe só moet lyk, maar eerder ’n tipe ideaal van hoe God wil hê sy kinders moet leef. Die Bergrede is daarom eerder ’n grootse en volmaakte ver­dui­de­liking van wat Jesus sy nuwe wet, die wet van liefde, noem.    

Oktober 2009:

• Strome van lewende water: Stephan Joubert ondersoek in Strome van lewende water 365 kerntekste oor die Heilige Gees en wys hoe dit vandag nog relevant is vir die moderne gelowige. Keer terug na die waarhede van die Woord en leef voluit as gelowige onder die bestuur van God se Gees!
• Die Bybel in 366 dae vir jongmense: Hierdie dagboek is ’n Bybelleesgids wat spesiaal op jongmense gemik is. Dit sal help om jongmense se stiltetyd meer gefokus te maak.
• Die Bybellennium: Hierdie eenvolumekommentaar is ’n heruitgawe van die 1999-publikasie en ontsluit in eietydse taal en beelde vir hierdie geslag wat die Bybel sê. Dit plaas die Bybelteks in sy his­to­rie­se en kultuurhistoriese konteks en bevat ’n lys van vaktaalterme en aktuele temas.

September 2009:

• Seisoene, storms en woestyne: Niemand kan onbepaald moeilike tye en seerkry vryspring nie. Isak Burger verduidelik in Seisoene, storms en woestyne hoe moeilike tye in ’n mens se lewe uiteindelik sin en betekenis kan hê en hoe God jou daardeur help.
• Meer as oorwinnaars: Hieridie dagboek uit die pen van Solly Ozrovech is ’n belegging vir jou geloofslewe. Die 366 dagstukke sal jou toerus met kennis, begrip en insig oor die dieper betekenisse van geloof, hoop en liefde en hoe hierdie drie geloofsankers mekaar aanvul en deur liefde saamgebind word. Dit sal jou inspireer om God en jou naaste met oorgawe lief te hê deurdat jy sal verstaan hoe oneindig groot God se liefde vir jóú is.
• Die Bybel in 366 dae vir vroue: In hierdie Bybelse dagboek het Nina Smit, seker die gewildste Afrikaanse vroulike skrywer van dagboeke vir vroue, kerngedeeltes uit die Nuwe Lewende Vertaling gekies as fokus vir haar oordenkings. So kry vroue die geleentheid om in 366 dae deur die kerngedeeltes van die Bybel te lees. Hierdie kort stukkies is spesiaal bedoel vir vroue en sal hulle bemoedig en inspireer

Augustus 2009:

• 21 maniere om jou huwelik te verwoes: In 21 maniere om jou huwelik te verwoes gee Ewald en Beatrix van Rensburg vir lesers raad oor hoe om die slaggate in hulle huwelik betyds raak te sien. Hulle gee ook effektiewe teenvoeters en huweliksresepte om weer die vonk terug te kry.
• Die huwelik wat jy nog altyd wou hê: Byna almal ervaar soms probleme in hulle huwelik. Geluk in ’n huwelik gebeur nie vanself nie. In Die huwelik wat jy nog altyd wou hê gee topverkoper-outeur Gary Chapman praktiese wenke om daad-werklike verandering in jou huwelik te bring.
• As die donker nie wil wyk nie: John Piper bring met As die donker nie wil wyk nie troos en leiding aan mense wat vasgevang is in geestelike donkerte en bevestig weereens dat seisoene van donkerte ’n normale verskynsel in die Christelike lewe is.

Julie 2009:

• ’n Nuwe kind teen Vrydag: In hierdie boek bied doktor Kevin Leman aan ouers ’n aksieplan met praktiese, uitvoerbare strategieë vir die kind wat hulle nog altyd wou hê. Doktor Leman wys jou met humor en bemoediging hoe om jou kind se gedrag te verander – binne vyf dae.
• Keuses wat jou lewe kan verander: Baie mense worstel met verskriklike vorme van pyn wat elke aspek van hulle lewe beïnvloed. Keuses wat jou lewe kan verander bied agt keuses op die pad na genesing wat jou lewe radikaal sal verander. Ontdek God se pad na heelheid, groei, geestelike volwassenheid, geluk en genesing!
• Die hart van ’n leier: In Die hart van ’n leier deel Ken Blanchard, be­ken­de op die gebied van leierskap, die sleutelkonsepte wat hy as sakeleier geleer het. Die praktiese op-die-man-af-raad sal elkeen wat in ’n leiersposisie staan, help om die beste leier te wees

Junie 2009:

• Waag dit! om lief te hê: Die DVD Fireproof wat vroeg vanjaar vrygestel is, herskryf steeds op verskeie wyses die rekordboeke. In hierdie fliek ervaar ’n egpaar ’n baie stormagtige tyd in hulle huwelik, soveel so dat hulle egskeiding begin oorweeg. Dan gee die man se pa vir hom die boek The Love Dare om te lees. En sy huwelik word vir ewig verander. Sedert die uitreiking van die fliek is daar binne twee maande meer as 80 000 eksemplare in Suid-Afrika alleen verkoop. Meer as twee miljoen lesers wêreldwyd is al aangegryp deur die verrassende en dwingende boodskap van The Love Dare. Die Afrikaanse weergawe, Waag dit! om lief te hê, is ook nou beskikbaar!
• Wees ’n dinamiese leier: Hierdie boek bestudeer die proses wat gevolg moet word om ’n bedieningspan te bou wat na aan mekaar is. Dit help lesers ook om elkeen in die span se unieke persoonlikheid te ontdek.
• Lig vir elke dag: Hierdie dagboek is saamgestel uit die Nuwe Le­wen­de Vertaling en fokus op verskillende temas. Elke dag het ’n fokusgedeelte met tekste wat dit verder bespreek. Die teksverse is só saamgestel dat elke dag se stukkie ’n eenheid vorm wat God se woorde oor daardie onderwerp pragtig saamvat. Hierdie besondere boekie sal bydra tot dae gevul met die wonder van God en sy beloftes wat vir altyd van krag is.

Mei 2009:

• Is doodgaan vir altyd?: Dit is nooit maklik om oor die dood te praat nie. In hierdie boekie help Anniéria McFarlane ouers om hierdie uiters sensitiewe saak op ’n liefdevolle en verstaanbare manier aan hulle kinders tussen vyf en agt jaar te verduidelik.
• As ’n kind se lag verdwyn: Een uit elke vyf tieners tussen veertien en agtien jaar ly aan depressie. En een uit elke twaalf tieners in Suid-Afrika het al probeer selfmoord pleeg. Dit is die wrede, ondenkbare werklikheid waarmee ons moet saamleef. Maar daar is hoop! As ’n kind se lag verdwyn, deur Henk en Ansie Gous, kan ouers, ander volwassenes en depressiewe kinders help.
• Vyf tale van die liefde van kinders: Gary Chapman, outeur van die topverkoper Vyf tale van die liefde, wys nou vir ouers hoe om hulle kinders se liefdestaal te leer praat. Aan die einde van die boek is daar ’n vraelys wat ouers en kinders sal help om hulle unieke liefdestale te ontdek.

April 2009:

• Die belangrikste keuse wat jy ooit kan maak: Die belangrikste keuse wat enigiemand kan maak is om Jesus as jou Verlosser en Saligmaker aan te neem. Hierdie boekie lei mense om te besef wat dit beteken om vir Jesus te kies en hoe om ’n radikale lewe vir Hom te leef.
• ’n Gids tot geestelike dissiplines: Topverkoper-outeur Patrick Morley gee vir mans die toerusting wat hulle nodig het om Christus te weerspieël binne die konteks van hulle huwelik, gesin en daaglikse lewe.
• Die Heilige Gees in ons: Hierdie boek deur Tienie Prinsloo sal lesers lei om nuut te dink oor die Heilige Gees se teenwoordigheid in ons lewens en hulle laat besef hoe hulle ’n lewe van oorvloed kan leef.
  
  

Februarie 2009:

• ’n Perspektief op Openbaring: Die vers-vir-vers-verklaring tesame met die besprekingsvrae aan die einde van elke hoofstuk maak hierdie boek, uit die pen van dr Adrio König, ’n handige hulpmiddel om meer begrip en kennis te kry van die laaste boek in die Bybel.
• Hoor mekaar, verstaan mekaar: Die topverkoper-outeur, outeur van Vyf tale van die liefde, help paartjies om eerlike kommunikasie te kweek sodat hulle ’n standvastiger huwelik kan geniet.
• Verander jou huwelik deur gebed: Stormie Omartian bespreek 15 kwessies wat huwelike bedreig, en leer die man en vrou hoe om vir die beskerming van hulle huwelik te bid.

Januarie 2009:

• Wees 'n vrou na God se hart
• Efesiers
• Gebed - 'n Bybelstudie

Desember 2008:

• My gunsteling 100 Bybel-helde
• Verlies, pyn en die verwerking daarvan
• Ek belowe

November 2008:

• Vertel my van die hemel
• Geloof in aksie
• Die eenjaarbybel met oordenkings

Oktober 2008:

• Moed vir elke more
• Net vir meisies
• Goeie Nuus vir elke dag

September 2008:

• 'n Pad in die Woestyn
• Onverwagsverras @ Roete 146
• Uit sy Oorvloed

Augustus 2008:

• Die groot boek van Christelike aanhalings Vol 2
• Manna oor die duine
• Oorwegings

Julie 2008:

• Manne wat bemoedig
• 'n Nuwe dagbreek
• Leer die Bybel self verklaar

Junie 2008:

• Man van God
• Die Stiltetydbybel vir vroue
• Die Familiebybel

Mei 2008:

• Die A-Z van Openbaring
• Die Eenjaarboodskap
• Gebed

Kom ons ondersteun hulle....